އިންތިހާބާ ދިމާކޮށް ތިނަދޫ ސިޓީގެ ހައުސިން އަދި މަގު ހެދުމުގެ މަޝްރޫއު ފަށައިފި
އަދަދު
24 މާރިޗު 2026 | އަންގާރަ | 7:53
ކުރިއަށް އޮތް ލޯކަލް ކައުންސިލް އިންތިހާބާއި ރައްޔިތުންގެ މެދުގައި ނަގާ ފެންނަ ނުފެންނަ ވޯޓު (ރެފެރެންޑަމް) އާ ދިމާކޮށް ތިނަދޫ ސިޓީގައި 50 ހައުސިން ޔުނިޓް އެޅުމުގެ މަޝްރޫއު އާއި މަގު ހެދުމުގެ ތިން ވަނަ ފިޔަވަހީގެ މަސައްކަތް މިއަދު ފަށައިފި އެވެ.
މި މަޝްރޫއުތައް ފައްޓަވައިދެއްވީ ހައުސިން މިނިސްޓަރު ޑރ. އަބްދުﷲ މުއްތަލިބު އެވެ. ރަސްމިއްޔާތުގައި ރައްޔިތުންގެ މަޖިލީހުގެ ތިނަދޫ ދާއިރާތަކުގެ މެންބަރުންވެސް ބައިވެރިވެވަޑައިގެންނެވި އެވެ.
ތިނަދޫ މަގު ހެދުމުގެ ތިންވަނަ ފިޔަވަހީގެ ދަށުން 50 މަގެއްގެ ތާރު އަޅައި، ފެންހިންދާ ނިޒާމު ގާއިމުކުރުމުގެ މަސައްކަތް ކުރިއަށް ގެންދާނެ އެވެ. މަޝްރޫއު ނިންމުމަށް ހަމަޖެހިފައިވަނީ ހަތަރު އަހަރުންނެވެ.