ގ. ހިޔާ ރޯދީގައި ރޯވުމުގެ ކުޑަ އިރުކޮޅެއް ކުރިން އެގެއަށް ވަން މީހާ ހައްޔަރުކޮށްފި
އަދަދު
23 މާރިޗު 2026 | ހޯމަ | 11:05
ފަޅަށް އޮތް ގ. ހިޔާ ރޯދީގައި މިދިޔަ ބުދަ ދުވަހު ރޯވުމުގެ ހައެއްކަ މިނެޓު ކުރިން އެގެއަށް ވަން ކަމަށް ތުހުމަތު ކުރެވޭ މީހަކު ރޭ ހައްޔަރުކޮށްފި އެވެ.
ފުލުހުން ބުނީ މި މައްސަލައިގައި ކޯޓު އަމުރެއްގެ ދަށުން ހައްޔަރުކުރީ ލ. މާބައިދޫ، ސަބުނަމްހައުސް، ހުސައިން ސަހްބާން، 29، އެވެ.
އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ފަސް ދުވަހަށް ބަންދުކުރުމަށް ކޯޓުން ވަނީ އަމުރުކޮށްފަ އެވެ. ބަންދުގެ މުއްދަތަށް ފަސް ދުވަސް ޖެހީ ވަކީލެއްގެ ފުރުސަތު ބޭނުންވާ ކަމަށް އޭނާ ބުނެފައިވާތީ އެވެ.