ހުލާސާކޮށް އިއްޔެ: އިޒްރޭލަށް އަދި އެމެރިކާގެ އަސްކަރީ މަރުކަޒުތަކަށް ހަމަލާދޭން މުއިއްޒު ގޮވާލުން
އަދަދު
24 މާރިޗު 2026 | އަންގާރަ | 5:32
އިރާނުން ރެއާއި ދުވާލު އިޒްރޭލަށް ހަމަލާދިނުމަކީ އެމަނިކުފާނު ވަރަށް ބޭނުންވެވަޑައިގަންނަވާ ގޮތެއް ކަމަށް ރައީސް މުހައްމަދު މުއިއްޒު އިއްޔެ ވިދާޅުވި އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވިދާޅުވީ، އިރާނުން ހަމަލާދޭން ޖެހޭނީ އިޒްރޭލަށް ކަމަށާއި އެއީ އެމަނިކުފާނު ބޭނުންވެވަޑައިގަންނަވާ ވެސް ގޮތް ކަމަށެވެ.
"އެ ހަނގުރާމަ ޖެހޭނީ މިހާރުން މިހާރަށް ހުއްޓެން. އެ ހަނގުރާމައިގައި ހަމަލާދޭ އެއްވެސް ފަރާތަކުން ދެމުން އެ ދަނީ ދީގެންވާނެ ހަމަލާއެއް ނޫން. އިރާނުން ހަމަލާ ދެންޏާ ދޭން ޖެހޭނީ ސީދާ އިޒްރޭލަށް. އެއީ އަޅުގަނޑުމެން ގަބޫލުކުރާ ގޮތް. އިޒްރޭލަށް ހަމަ ހަމަލާ ދޭންވީ ހަމަ ރެއާއި ދުވާލު. އަޅުގަނޑުމެން ވަރަށް ބޭނުން އެކަން އެގޮތަށް ދާން،" މުއިއްޒު ވިދާޅުވި އެވެ.