މުޅި ރާއްޖެއިން ސިމެންތި ހުސްވުމާ ގާތަށް ގޮސް ބަސްތާއެއްގެ އަގު 250 ރުފިޔާއިން މައްޗަށް އަރައިފި
އަދަދު
24 މާރިޗު 2026 | އަންގާރަ | 10:04
މުޅި ރާއްޖެއިން ސިމެންތި ހުސްވުމާ ގާތަށް ގޮސް، ސިމެންތި ބަސްތާއެއްގެ އަގު 250ރ. އިން މައްޗަށް އަރައިފި އެވެ.
އިޒްރޭލާއި އެމެރިކާއިން އިރާންއާ ދެކޮޅަށް ފެށި ހަނގުރާމައިގައި ހޮރުމޫޒު ކަނޑުއޮޅި ބަންދު ކުރުމުގެ ކުރިން ރާއްޖޭގައި ސިމެންތި ބަސްތާއެއް ވިއްކަމުން އައީ 90ރ. އާއި 100ރ. އާ ދެމެދުގެ އަގެއްގަ އެވެ.
އެކަމަކު، ހަނގުރާމައިގެ ސަބަބުން ސިމެންތި ވިއްކާ ބޮޑެތި ކުންފުނިތަކުން ވަނީ ސިމެންތި ހުސްވެފަ އެވެ. އޭގެ ތެރޭގައި ދައުލަތުގެ ކުންފުނި އެސްޓީއޯ އަދި އެޕޯލޯ ހިމެނެ އެވެ. މިވަގުތު ސިމެންތި ލިބެނީ ހަމައެކަނި ވިލާ ހަކަތައިންނެވެ.