އިންތިހާބަކާ ދިމާކޮށް ސިޔާސީ ބޭނުމަށް އެއްވެސް ކަމެއް ނުކުރައްވާނެ ކަމަށް ރައީސް މުހައްމަދު މުއިއްޒު ތަކުރާރުކޮށް ވިދާޅުވަމުން ގެންދަވަނިކޮށް، ލޯކަލް ކައުންސިލްގެ އިންތިހާބާ ދިމާކޮށް ސަރުކާރުގެ އެކި މިނިސްޓްރީތަކާއި ކުންފުނިތަކަށް ގިނަ އަދަދެއްގެ ބަޔަކަށް ވަޒީފާ ދޭން ފަށައިފި އެވެ.

މުއިއްޒު ވިދާޅުވަމުން ގެންދަވަނީ މި ސަރުކާރަކީ އިންތިހާބާ ގުޅުވައިގެން "ކަޑަޖަހާ" ނުވަތަ ވަޒީފާ ބަހާނެ ބައެއް ނޫން ކަމަށެވެ. މުއިއްޒު މިހެން ވިދާޅުވި ނަމަވެސް، މި ފަހަކަސް އައިސް ސިޔާސީ ވަޒީފާތަކަށް މީހުން އައްޔަންކުރާ މިންވަރު ވަނީ ވަރަށް ބޮޑަށް އިތުރުވެފަ އެވެ.

ސޯޝަލް މީޑިއާގައި ދައުރުކުރާ ޕޯސްޓުތަކަށް ބަލާއިރު ޔޫތު މިނިސްޓްރީގައި އެކަނިވެސް ގިނަ އަދަދެއްގެ ސިޔާސީ މުައްޒަފުން މި ހަފުތާގައި ވެސް ވަނީ ވައްދައިފަ އެވެ. އޭގެ އިތުރުން ޓޫރިޒަމް މިނިސްޓްރީން ވެސް ފަސް މީހަކަށް ވަޒީފާ ދީފައިވެ އެވެ.

މައުޟޫޢުތަށް