މެދުއިރުމަތީގައި ކުރަމުންދާ ހަނގުރާމަ ހުއްޓާލައި، އަަމަން ގާއިމް ކުރަން ވަކާލާތު ކުރެއްވުމުގެ ބަދަލުގައި އިރާނުން އިޒްރޭލާއި އެމެރިކާއަށް ދެމުންދާ ހަމަލާތައް ވަރުގަދަ ކުރަން ހިތްވަރު ލިބޭ ގޮތަށް ނޫސްވެރިންގެ ބައްދަލުވުމެއްގައި ރައީސް މުހައްމަދު މުއިއްޒު ދެއްކެވި ވާހަކަތައް ރިޕޯޓުކޮށްފައި ވަނިކޮށް، މުއިއްޒުގެ ދިފާއުގައި މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން (ކޮންޓްރޯލް ކޮމިޝަން) އިން ބަޔާނެއް ނެރެފި އެވެ.

މިދިޔަ ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި އަރަބި ގައުމުތަކުގައި އެމެރިކާއިން ގާއިމުކޮށްފައިވާ އަސްކަރީ މަރުކަޒުތަކަށް ހަމަލާދޭން ހިތްވަރު ދެއްވައި މުއިއްޒު ސުވާލަކަށް ޖަވާބު ދެއްވި އެވެ. އަދި އެމަނިކުފާނު ބޭނުންވެވަޑައިގަންނަވަނީ އިރާނުން އިޒްރޭލަށް "ރެއާއި ދުވާލު" ހަމަލާދޭން ކަމަށް ވެސް އެމަނިކުފާނު ވިދާޅުވި އެވެ.

ކުއްލި ގޮތަކަށް މިއަދު ކޮންޓްރޯލް ކޮމިޝަނުން ނެރުނު ބަޔާނެއްގައި ވަނީ ޒިންމާދާރުކަމާއެކު ނޫސްވެރިންގެ ސުލޫކީ މިންގަނޑާ އެއްގޮތަށް ހަބަރު ފެތުރުމަށް އިލްތިމާސްކޮށްފަ އެވެ.

މައުޟޫޢުތަށް