ބޮޑުތަކުރުފާނު މަގާއި މަޖީދީމަގުން 400 އަށްވުރެ ގިނަ އުޅަނދު ޓޯކޮށްފި
އަވަސް
1 ޖުލައި 2025 | އަންގާރަ | 12:43
މާލޭގެ ބޮޑުތަކުރުފާނު މަގާއި މަޖީދީމަގުގައި ގަވާއިދާ ހިލާފަށް ޕާކުކުރުމުން 400 އަށްވުރެ ގިނަ އުޅަނދު ޓޯކޮށްފި އެވެ.
ފުލުހުން މިއަދު ވަނީ ޖޫން 12 އިން ޖޫން 30 ވަނަ ދުވަހުގެ ނިޔަލަށް ބޮޑުތަކުރުފާނު މަގާއި މަޖީދީ މަގުން ޓޯކުރި އުޅަނދުތަކުގެ ތަފާސްހިސާބު އާންމުކޮށްފަ އެވެ. އެ ގޮތުން އެންމެ ގިނައިން ޓޯކޮށްފައިވަނީ ސައިކަލުކަން ފާހަގަކުރެވެ އެވެ.
ފުލުހުން ބުނި ގޮތުގައި މީގެ ތެރެއިން އެއް ސައިކަލު ވަނީ ތަކުރާރުކޮށް ޕާކްކުރުމުން ޓޯކޮށްފަ އެވެ.