ރާއްޖޭގެ ރަސްމީ ރިޒާވް ދަށަށް ދިޔަ ނަމަވެސް ޔޫޒަބަލް ރިޒާވް [ބޭނުންކުރެވޭ ރިޒާވް] މި އަހަރުގެ ޖުލައި މަސް ނިމުނުއިރު އިތުރުވެއްޖެ އެވެ.

މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތަކަށް ބަލާއިރު މި އަހަރުގެ ޖުލައި މަސް ނިމުނުއިރު ރަސްމީ ރިޒާވްގައި ހުރީ 774.52 މިލިއަން ޑޮލަރެވެ. މިއީ މި އަހަރުގެ ޖޫން މަސް ނިމުނުއިރު ރަސްމީ ރިޒާވްގައި ހުރި 832.42 މިލިއަން ޑޮލަރާ އަޅާބަލާއިރު 57.9 މިލިއަން ޑޮލަރު މަދުވުމެކެވެ. ރަސްމީ ރިޒާވް ދަށަށް ދިޔަ ނަމަވެސް ޔޫޒަބަލް ރިޒާވް ނުވަތަ ބޭނުންކުރެވޭ ރިޒާވް ޖޫން މަހާ އަޅާބަލާއިރު ޖުލައި މަސް ނިމުނުއިރު އިތުރުވެފައިވާ ކަމަށް އެމްއެމްއޭގެ ތަފާސްހިސާބުތަކުން ދައްކަ އެވެ. އެ ގޮތުން އެމްއެމްއޭގެ ތަފާސްހިސާބުތަކަށް ބަލާއިރު ޖޫން ނިމުނުއިރު ބޭނުންކުރެވޭ ރިޒާވްގައި ހުރީ 203 މިލިއަން ޑޮލަރެވެ. ބޭނުންކުރެވޭ ރިޒާވްގައި މި އަހަރުގެ ޖުލައި މަސް ނިމުނުއިރު ހުރީ 213.22 މިލިއަން ޑޮލަރު ކަމަށް އެމްއެމްއޭގެ ތަފާސްހިސާބުތަކުން ދައްކަ އެވެ.

މައުޟޫޢުތަށް