ބަންޑުން ޖަހާލި "އަލްމާކް-ފިޔަ" ލޭންޑިން ކްރާފްޓުން ގެއްލުނު ތިންވަނަ މީހާގެ ހަށިގަނޑު ފެނިއްޖެ އެވެ.

އެމްއެންޑީއެފުން ބުނި ގޮތުގައި އެ މީހާގެ ހަށިގަނޑު ފެނުނީ މާލެ އަތޮޅު އާއިލާފުށްޓާއި ވިލާ ނޮޓިކާއާ ދެރަށް ދޭތެރެއިން އޮޔާދަނިކޮށް ރޭގެ ވަގުތެއްގަ އެވެ. މާލެއިން ފުރައިގެން ދަތުރުކުރަނިކޮށް "އަލްމާކް-ފިޔަ" ނަމަކަށް ކިޔާ 100 ފޫޓުގެ ލޭންޑިން ކްރާފްޓް ބަންޑުން ޖަހާލިކަމުގެ މައުލޫމާތު ކޯސްޓްގާޑަށް ލިބުނީ މިމަހުގެ 16 ވަނަ ދުވަހުގެ މެންދަމު 3:08 ހާއިރު އެވެ. އެ ލޭންޑިން ކްރާފްޓުން ހަތް މީހުން ދަތުރުކުރިއިރު އޭގެ ތެރެއިން ހަތަރު މީހުން ވަނީ ސަލާމަތް ކުރެވިފަ އެވެ. މި ހާދިސާގައި ގެއްލުނު ތިން މީހުންގެ ތެރެއިން ދެ މީހެއްގެ ހަށިގަނޑު ބުރާސްފަތި ދުވަހު ވަނީ ފެނިފަ އެވެ.

މައުޟޫޢުތަށް