ދިވެހި ބަހުގެ އެކަޑަމީން ކުރިއަށް ގެންދިޔަ އަދަބީ ހަަތަރު މުބާރާތަކާއި އަތުލިޔުމުގެ މުބާރާތުގެ ނަތީޖާ މިރޭ ފާޅުކޮށްފި އެވެ.

ހުޅުމާލޭގައި ހުންނަ ޞަލާހުއްދީން ސްކޫލުގައި ބޭއްވި މިރަސްމިއްޔާތު ޝަރަފްވެރިކޮށްދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އެމަނިކުފާނުގެ އަނބިކަނބަލުން ސާޖިދާ މުހައްމަދެވެ. ދިވެހި ބަހުގެ އެކަޑަމީން މިއަހަރު ކުރިއަށް ގެންދިޔަ އަދަބީ ހަތަރު މުބާރާތުގެ ތެރެއިން މަޒުމޫނު ލިޔުމުގެ މުބާރާތުގައި 1،099 މީހުން ބައިވެރިވިއިރު ކުރުވާހަކަ ލިޔުމުގެ މުބާރާތުގައި 1،024 މީހުން ބައިވެރިވި އެވެ. ޅެން ހެދުމުގެ މުބާރާތުގައި 526 މީހުން ބައިވެރިވިއިރު ވާހަކަ ދެއްކުމުގެ ގައުމީ މުބާރާތުގައި 298 މީހުން ބައިވެރިވި އެވެ. މިއަދަދުތަކާ އެކު މި މުބާރާތްތަކުގައި 3،000 އަށް ވުރެ ގިނަ މީހުން ބައިވެރިވެފައިވާތީ އެއީ ކާމިޔާބީއެއް ކަމަށް ދިވެހި ބަހުގެ އެކަޑަމީން ބުނެ އެވެ.

އަދަބީ މުބާރާތްތައް ކުރިއަށް ގެންދިޔައީ ދަށު ސާނަވީ ބަޔާއި، ސާނަވީ ބަޔާއި، މަތީ ސާނަވީ ބައިގެ އިތުރުން 18 އަހަރުން މަތީގެ އަމިއްލަ ފަރާތްތަކާއި، އޮފީސް، ކުންފުނި، ކުލަބު އަދި ޖަމިއްޔާ ޖަމާއަތްތަކަށް ހުޅުވާލައިގެންނެވެ. އަތު ލިޔުމުގެ މުބާރާތުން އަވަސް ތާނައިން އެއްވަނަ ހޯދީ ކ. ގުޅީ ސްކޫލުގެ އަހްމަދު ސައީދު އެވެ. ރީތި ތާނަ ބައިން އެއްވަނަ އިކްރާމް މޫސާ ދ. މީދޫ ހޯދިއިރު ފަރުމާ ތާނަ ބައިން އެއްވަނަ ހޯދީ ޖުޑީޝަލް ސާވިސް ކޮމިޝަންގެ ޝިފާނާ މޫސާ އެވެ. އަތު ލިޔުމުގެ މުބާރާތުން އަވަސް ތާނައިގެ ބައިން އެއްވަނަ އަމީނިއްޔާ ސްކޫލް ހޯދިއިރު ރީތި ތާނައިގެ ބައިން އެއްވަނަ ހާސިލް ކުރީ ށ. އަތޮޅު ކައުންސިލް އިދާރާ އެވެ. އަދި ފަރުމާ ތާނައިގެ ބައިން އެއްވަނަ ހާސިލް ކުރީ ޖުޑީޝަލް ސާވިސް ކޮމިޝަނެވެ.

މައުޟޫޢުތަށް