ކަރަންޓު ކެނޑުނު ސަބަބު ދިރާސާކޮށް، އެކަން ތަކުރާރު ނުވާނެ ގޮތެއް އެބަ ބަލަން: ތޯރިގު
މިހާރު
1 ޖޫން 2025 | އާދިއްތަ | 7:23
މުޅި މާލެ އާއި ހުޅުމާލެއިން އެއްފަހަރާ ކަރަންޓު ކެނޑެން މެދުވެރިވި ސަބަބު ދިރާސާކޮށް، އެފަދަ މައްސަލަތައް ތަކުރާރު ނުވާނެ ގޮތެއް ބަލަމުން އަންނަ ކަމަށް އެންވަޔަރަނަމަންޓް މިނިސްޓަރު ތޯރިގު އިބްރާހިމް މިއަދު ވިދާޅުވެއްޖެ އެވެ.
މެންދުރު 12:45 ހާއިރު މާލެ އާއި ހުޅުމާލެއިން ކަރަންޓު ކެނޑުމަށް ފަހު މިހާރު މުޅި މާލެއަށް ވަނީ އަލުން ކަރަންޓު ދީފަ އެވެ. އެކަމަކު ހުޅުމާލޭގެ އެއް ސަރަހައްދަކަށް އަދިވެސް ކަރަންޓެއް ނުދެ އެވެ.
ތޯރިގު އެކްސްގައި ކުރެއްވި ޕޯސްޓެއްގައި ވިދާޅުވީ މާލެ އާއި ހުޅުމާލެ އަދި ހުޅުލެއިން ކަރަންޓު ކެނޑުމާ ގުޅިގެން ކަރަންޓުގެ ހިދުމަތް އަނބުރާ ދިނުމަށް ކުރަންޖެހޭ ހުރިހާ މަސައްކަތެއް ކުރަމުން އަންނަ ކަމަށެވެ. އަދި ދިމާވި މައްސަލަ ދިރާސާކޮށް، ބަލައި ކުރިއަށް އޮތްތަނުގައި އެފަދަ މައްސަލަތައް ދިމާނުވާނެ ގޮތަށް އިންތިޒާމުތައް ހަމަޖެއްސުމަށް ކުރަންޖެހޭ ކަންކަން ކުރަމުން އަންނަ ކަމަށެވެ.