ދަރިއަކާ ބެހިގެން އިއްވި 15 އަހަރުގެ ޖަލު ހުކުމެއްގެ މައްސަލަ އަލުން ބަލަނީ
މިހާރު
2 ޖޫން 2025 | ހޯމަ | 10:31
މައްސަލަ އަލުން ބަލަން ހުކުމްކުރީ ކުއްޖާ ދެއްކި ވާހަކަތަކާއި ހެކިންގެ ބަޔާންތަކުގައި ހުރި ފުށުއެރުންތަކާ މެދު ޝަރީއަތުގައި ސުވާލުކޮށް އެކަށީގެންވާ ވަރަށް ހެކި ވަޒަންކުރުމަށް
ފިރިހެނަކު އޭނާގެ ދަރިއަކާ މެދު ޖިންސީ އަމަލެއް ހިންގި ކަމުގެ ކުށް ސާބިތުވެގެން އިއްވާފައިވާ 15 އަހަރުގެ ޖަލު ހުކުމެއް ބާތިލްކޮށް އެ މައްސަލަ އަލުން ބަލަން ހައި ކޯޓުން ހުކުމްކޮށްފި އެވެ.
ކުޑަކުދިންގެ ކަރާމާތާ ގުޅޭ މައްސަލައެއް ކަމަށް ވާތީ މި މައްސަލައިގައި ހުކުމްކުރި ކޯޓުގެ ނަން ހައި ކޯޓުން ވަނީ ސިއްރުކޮށްފަ އެވެ. އެކަމަކު ބެލެވޭ ގޮތުގައި އެއީ ރަށެއްގެ މެޖިސްޓްރޭޓް ކޯޓަކުން އިއްވާފައިވާ ހުކުމެވެ. ހުކުމުގައިވާ ގޮތުން އެއީ 2021 ވަނަ އަހަރުގެ ސެޕްޓެމްބަރު މަހު ހުށަހަޅައި އަދި 2023 ވަނަ އަހަރުގެ އޮކްޓޫބަރު މަހު ހުކުމްކޮށްފައިވާ މައްސަލައެކެވެ.