ސްޓެލްކޯ އިން މޭ މަހުގެ ބިލް ވެސް ތައްޔާރުކުރީ އަގުހެޔޮ ޓެރިފް ރޭޓްގައި
މިހާރު
2 ޖޫން 2025 | ހޯމަ | 11:39
މިދިޔަ މޭ މަހުގެ ކަރަންޓު ބިލްތައް ވެސް ތައްޔާރު ކޮށްފައި ވާނީ އަގުހެޔޮ ޓެރިފް ރޭޓުގައި ކަމަށް ސްޓެލްކޯ އިން މިރޭ ބުނެފި އެވެ.
ސްޓެލްކޯ އާއި ފެނަކައިން ކަރަންޓުގެ ހިދުމަތް ދޭ ތަންތަނުގެ ޑޮމެސްޓިކް ކެޓަގަރީގެ ކަރަންޓު ޓެރިފް ރޭޓުތައް ނުވަތަ އާންމު ގޭބީސީތަކުގެ ކަރަންޓު ޓެރިފް ރޭޓުތައް މި މަހުގެ 1 އިން ފެށިގެން ދަށްކުރާނެ އުސޫލެއް ކަނޑައަޅުއްވައި، އެއާ އެއްގޮތަށް އަމަލު ކުރަން ރައީސް ޑރ. މުހައްމަދު މުއިއްޒު ވަނީ މިދިޔަ މޭ މަހުގެ 30 ގައި އަންގަވައިފަ އެވެ.
އެކަމާ ގުޅޭ ގޮތުން ސްޓެލްކޯ އިން މިރޭ ބުނީ ރައީސްގެ ނިންމެވުމާ އެއްގޮތަށް މިދިޔަ މޭ މަހުގެ ކަރަންޓު ބިލްތައް ތައްޔާރު ކޮށްފައިވަނީ އަގު ހެޔޮކޮށްފައިވާ ޓެރިފް ރޭޓްތަކަށް ކަމަށެވެ.