ޖާހުގެ އެޕާޓްމަންޓުތައް ނިންމަން 20 މިލިއަން ރުފިޔާއަށް އާރުސީސީއާ ހަވާލުކޮށްފި
މިހާރު
3 ޖޫން 2025 | އަންގާރަ | 11:42
ޖާހު އިންވެސްޓްމަންޓު ކުންފުނިން ހުޅުމާލޭގައި ހަދަމުން އަންނަ އެޕާޓްމަންޓުތަކުގެ ބާކީ މަސައްކަތްތައް ނިންމަން އެޗްޑީސީން 20 މިލިއަން ރުފިޔާ އަށް އާރުސީސީއާ އިއްޔެ ހަވާލުކޮށްފި އެވެ.
ހުޅުމާލޭ 1 ގައި ހަދާ "ދަ ގާޑަންސް" ޕްރޮޖެކްޓުގެ ބައިތައް ނިންމަން އާރުސީސީއާ ހަވާލުކުރި ކަމަށް ބުންޏަސް އޭގެ އެއްވެސް ތަފުސީލެއް އެޗްޑީސީން އަދި މީޑިއާއާ ހިއްސާއެއް ނުކުރެ އެވެ.
ނަމަވެސް އާރުސީސީގެ އިސް އޮފިޝަލަކު "މިހާރު" އަށް މިއަދު ވިދާޅުވީ، އެ ކުންފުނިން "ދަ ގާޑަންސް" ގެ ބާކީ މަސައްކަތްތަކާ ހަވާލުވީ ކުރިއަށް އޮތް ހަތަރު މަސް ތެރޭގައި ނިންމާ ގޮތަށް ކަމަށެވެ.