ފޯރިގަދަ ގޯލްޑް ކަޕުގައި މި އަހަރު 28 ޓީމަށް ޖާގަ ދޭން ފޯމެޓް އެކުލަވާލައިފި
މިހާރު
4 ޖޫން 2025 | ބުދަ | 10:42
ސިޓީތަކާއި ރަށްތަކަށް ހާއްސަކޮށްގެން މިދިޔަ އަހަރު އަމިއްލަ ފަރާތްތަކުން މުޅިން އަލަށް ބާއްވަން ފެށި ގޯލްޑް ކަޕްގައި ޖުމުލަ 28 ޓީމަށް ވާދަކުރުމުގެ ފުރުސަތު ދޭ ގޮތަށް އާ ފޯމެޓް އެކުލަވާލައިފި އެވެ.
ފުޓްބޯޅައިގެ ފޯރި ގަލޮޅު ދަނޑަށް އަލުން ގެނެސްދިން ގޯލްޑް ކަޕްގެ އާ ފޯމެޓް މުބާރާތް އިންތިޒާމު ކުރާ "ނައިންޓީ ޕްލަސް" އިން އެކުލަވާލީ މިދިޔަ އަހަރުގެ މުބާރާތުގެ ގަދަ އަށް ޓީމަށް އޮޓޯއިން ޖާގަ ލިބޭ ގޮތަށެވެ.
އިންވިޓޭޝަން އުސޫލުން ދެ ޖާގަ ހާއްސަ ކުރުމަށް ވަނީ ނިންމައިފަ އެވެ. އެއީ ރާއްޖޭގެ ފަސް ސިޓީގެ ތެރެއިން މިދިޔަ އަހަރު މުބާރާތުގައި ވާދަ ނުކުރާ ދެ ސިޓީ ކަމަށްވާ ކުޅުދުއްފުއްޓާއި ތިނަދުއަށް އަމާޒުކޮށެވެ.