އާސަންދަ އަށް 950 މިލިއަން ހޭދަކޮށްފި، އެއީ ކަނޑައެޅި ބަޖެޓުގެ 50 ޕަސެންޓު
މިހާރު
4 ޖޫން 2025 | ބުދަ | 12:16
މިދިޔަ ފަސް މަސް ތެރޭގައި އާސަންދަ ބަޖެޓުގެ 50 ޕަސެންޓު ހޭދަކޮށްފި އެވެ.
ފިނޭންސް މިނިސްޓްރީން އާންމު ކުރި ވީކްލީ ހިސާބުތައް ދައްކާ ގޮތުން މިދިޔަ މަހުގެ ނިޔަލަށް އާސަންދަ އަށް 950 މިލިއަން ރުފިޔާ ވަނީ ހޭދަކޮށްފަ އެވެ. މި އަހަރަށް އާސަންދައަށް ދައުލަތުގެ ބަޖެޓުން ކަނޑައަޅާފައިވަނީ 1.8 ބިލިއަން ރުފިޔާ އެވެ.
މި އަހަރުގެ މިހާތަނަށް ކުރި ހޭދައަކީ މިދިޔަ އަހަރުގެ އެ މުއްދަތަށް ވުރެ 25 ޕަސެންޓު އިތުރު އަދަދެކެވެ. މިދިޔަ އަހަރުގެ އެ މުއްދަތުގައި އާސަންދަ އަށް ހޭދަކުރީ 714 މިލިއަން ރުފިޔާ އެވެ.