ހީނާ އާއި ރޮކީ ކައިވެނިކޮށްފި، ދެން ފަށަނީ އެކުގައި ރިއަލިޓީ ޝޯއެއް
މިހާރު
5 ޖޫން 2025 | ބުރާސްފަތި | 1:50
އިންޑިއާގެ މަޝްހޫރު ޓީވީ އެކްޓްރެސް ހީނާ ޚާން އާއި އޭނާގެ ދުވަސްވީ ލޯބިވެރިޔާ ރޮކީ ޖެއިސްވާލް އިއްޔެ ކައިވެނިކޮށްފި އެވެ.
ހީނާ އާއި ރޮކީ ކައިވެނިކުރިކަން އިއުލާންކުރީ އިންސްޓަގްރާމްގައި އިއްޔެ ކުރި ޕޯސްޓެއްގަ އެވެ. އެ ޕޯސްޓުގައި ވަނީ އެމީހުންގެ ކައިވެނީގެ ފޮޓޯތައް ހިއްސާކޮށްފަ އެވެ.
ހީނާ ހުރީ ފެއްސާއި ރަނާއި ރިހި ކުލައިން ޑިޒައިންކޮށްފައިވާ ސާޅިއެއް އަޅައިގެންނެވެ. އަދި ރޮކީ ހުރީ ހުދުކުލައިގެ ކުރުތާއެއްގަ އެވެ. އެއީ އިންޑިއާގެ މަޝްހޫރު ފެޝަން ޑިޒައިނަރު މަނީޝް މަލްހޯތުރާގެ ކަސްޓަމް ޑިޒައިންތަކެވެ.