ފަރާއާ އެކު އޭނާގެ ކައްކާ ވެސް ރާއްޖޭގައި، ގައުމުން ބޭރުވީ އަލަށް
މިހާރު
6 ޖޫން 2025 | ހުކުރު | 11:37
ބޮލީވުޑްގެ ޑައިރެކްޓަރު ފަރާ ޚާންގެ ގޭގައި ކައްކާ ދިލިޕް ވެސް އިއްޔެ ރާއްޖެ އައިކަން އެނގިއްޖެ އެވެ.
ދިލިޕްއާ އެކު ފަރާ ގެނެސްދޭ ސިލްސިލާ ކައްކާ ޝޯ އަކީ އިންޑިއާގެ ޔޫޓިއުބުގައި މިހާރު އެންމެ މަގުބޫލު ކައްކާ ޝޯ އެވެ. އެ ޝޯގެ ޔޫޓިއުބް ވީޑިއޯތަކަށް ވަރަށް ބޮޑު ސަމާލުކަމެއް ލިބެ އެވެ. ހާއްސަކޮށް ދިލިޕްގެ ހުންނަ ސަކަ މިޒާޖަށް ގިނަ ބައެއްގެ ލޯބި ލިބިފައިވެ އެވެ. އިންޑިއާގެ މަޝްހޫރު އެތައް ފަންނާނުންނެއް އެ ޝޯއަށް ގެސްޓުންގެ ގޮތުގައި ވެސް ދެ އެވެ.
ރާއްޖޭގެ ޓޫރިޒަމް އިޝްތިހާރުކުރުމުގެ މަސައްކަތްކުރާ އެމްއެމްޕީއާރުސީއާ އެކު ފަރާ ހިންގާ ޕްރޮޖެކްޓަކަށް އޭނާ ވަނީ އިއްޔެ ރާއްޖެ އައިސްފަ އެވެ. އެއީ ރާއްޖޭގެ ރަށްރަށުގެ ދިރިއުޅުމާއި އީދު ކުޅިވަރުތައް ބަލައި ޑޮކިއުމެންޓްކުރުމަށެވެ.