ވޯލްޑް ކަޕް ކޮލިފައިން ފުރަތަމަ މެޗުން އިޓަލީ ބަލިވެއްޖެ
މިހާރު
7 ޖޫން 2025 | ހޮނިހިރު | 10:05
އެންމެ ފަހުގެ ދެ ވޯލްޑް ކަޕަށް ވެސް ކޮލިފައިނުވި އިޓަލީ، އަންނަ އަހަރުގެ ވޯލްޑް ކަޕް ކޮލިފައިންގައި ކުޅުނު ފުރަތަމަ މެޗުން ރޭ ނޯވޭ އަތުން 3-0 އިން ބަލިވެއްޖެ އެވެ.
މި ނަތީޖާއާ އެކު، އިޓަލީ އަށް ވަނީ އަނެއްކާ ވެސް ކޮލިފައިނުވުމުގެ ބިރު ކުރިމަތިވެ ޕްރެޝަރު ބޮޑުވެފަ އެވެ.
އިޓަލީ އާއި ނޯވޭގެ އިތުރުން، އިޒްރޭލާއި، އެސްޓޯނިއާ، އަދި މޯލްޑޮވާ ހިމެނޭ ގްރޫޕުން ވޯލްޑް ކަޕަށް ކޮލިފައިވާނީ ގްރޫޕުގެ އެއް ވަނަ އެވެ. ދެ ވަނަ އަށް ދާ ޓީމު ޖެހޭނީ ޕްލޭއޮފް ކުޅޭށެވެ.