ޒުވާނުންނަށް ހާޓްއެޓޭކް ޖެހުން އިތުރުވާތީ ޑޮކްޓަރެއްގެ ކަންބޮޑުވުމާއި ސަބަބުތައް
މިހާރު
8 ޖޫން 2025 | އާދިއްތަ | 3:38
ޒުވާނުންނަށް ހާޓްއެޓޭކް ޖެހުމަކީ މީގެ ކުރިން އެހާ އާންމު ކަމެއް ނޫނެވެ. އެކަމަކު، ސްރީ ލަންކާގެ ތަޖުރިބާކާރު ހިތުގެ ޑޮކްޓަރު ގޯޓާބަޔާ ރަނަސިންހު ލަންކާގެ ޑެއިލީމިރާ ނޫހުގައި މިދިޔަ ބުރާސްފަތި ދުވަހު އާއްމު ކުރެއްވި ލިޔުމެއްގައި ޒުވާނުންނަށް ހާޓް އެޓޭކް ޖެހުން އިތުރުވަމުން ދާތީ ކަންބޮޑުވުމާ އެކު އިންޒާރުތަކެއް ވަނީ ދެއްވައިފަ އެވެ.
ހިތުގެ ބަލިތަކަށް ހާއްސަ ޑޮކްޓަރެއްގެ ގޮތުގައި 25 އަހަރަށް ވުރެ ގިނަ ދުވަހު މަސައްކަތް ކުރައްވާފައިވާ ޑޮކްޓަރު ވިދާޅުވިގޮތުގައި މީގެ ކުރިން 40 އަހަރުން ދަށުގެ މީހުންނަށް ހާޓްއެޓޭކް ޖެހުމަކީ ވަރަށް މަދުން ނޫނީ ނުވާ ކަމެކެވެ.
ޑޮކްޓަރު ރަނަސިންހު ވިދާޅުވި ގޮތުގައި ސްރީ ލަންކާ އަދި ދެކުނު އޭޝިއާގެ އެހެން ގައުމުތަކުގައި ޒުވާނުންނަށް ހާޓްއެޓޭކް ޖެހޭ އަދަދު ކަންބޮޑުވާ މިންވަރަކަށް މިހާރު އިތުރުވެއްޖެ އެވެ.