ލައިބާގެ ކާމިޔާބީއަށް ރައީސް މަރުހަބާ ވިދާޅުވެ ހިތްވަރު ދެއްވައިފި
މިހާރު
8 ޖޫން 2025 | އާދިއްތަ | 10:07
ބެޑްމިންޓަން ޔޫރަޕް ޖޫނިއާ ކަލަންޑަރުގައި ހިމެނޭ އަރްމީނިއާ ޔޫތު އޯޕަން މުބާރާތުގައި ރާއްޖޭގެ އުއްމީދީ ކުޅުންތެރިޔާ ލައިބާ އަހްމަދު މަހްލޫފް (އެލީ) ތިން ރަން މެޑައްޔާ އެކު ރާއްޖެ އަށް ހޯދައިން ކާމިޔާބަށް ރައީސް ޑރ. މުހައްމަދު މުއިއްޒު މަރުހަބާ ވިދާޅުވެ ހިތްވަރު ދެއްވައިފި އެވެ.
އަރްމީނިއާގެ ޔެރޭވަންގައި ހުކުރު ދުވަހު ފެށި މުބާރާތުގެ 13 އަހަރުން ދަށުގެ އުމުރުފުރާއިން، އަންހެން ސިންގަލްސްގެ އިތުރުން ޑަބަލްސް އާއި މިކްސްޑް ޑަބަލްސް ކެޓަގަރީގެ ފައިނަލް ވެސް ލައިބާ ކާމިޔާބު ކުރި އެވެ.
ލައިބާގެ އެ ކާމިޔާބަށް މަރްހަބާ ވިދާޅުވެ ސޯޝަލް މީޑިއާގައި ކުރެއްވި ޕޯސްޓްގައި ރައީސް ވިދާޅުވީ ބައިނަލްއަގްވާމީ ޖޫނިއާ މުބާރާތެއްގައި ލައިބާ ހޯދި އެ ކާމިޔާބަކީ ރާއްޖެއަށް ލިބުނު ވަރަށް ބޮޑު ފަހުރެއް ކަމަށެވެ.