ސްޕެލެއްޓީ ވަކިކޮށްފި، އިޓަލީން ބޭނުންވަނީ ރަނިއޭރީ
މިހާރު
9 ޖޫން 2025 | ހޯމަ | 12:53
މަގާމުން ވަކިކޮށްފައިވާ އިޓަލީގެ ހެޑްކޯޗު ލޫސިއާނޯ ސްޕެލެއްޓީގެ ބަދަލުގައި، އެ މަގާމަށް ކްލައުޑިއޭ ރަނިއޭރީ ގެންނަން އިޓަލީ ފުޓްބޯޅަ ފެޑެރޭޝަނުން މަސައްކަތް ފަށައިފި އެވެ.
ސްޕެލެއްޓީ މަގާމުން ވަކިކުރިކުރީ ވޯލްޑް ކަޕް ކޮލިފައިންގެ ފުރަތަމަ މެޗުން ނޯވޭ އަތުން 3-0 އިން ބަލިވުމުންނެވެ. އޭނާގެ ފަހު މެޗަކީ މިރޭ މޯލްޑޮވާއާ ދެކޮޅަށް ކުޅޭ މެޗެވެ.
ސްޕެލެއްޓީ ވަކިކުރިކަން ކަށަވަރުކޮށްދިނީ، މޯލްޑޮވާ މެޗުގެ ކުރިން އިއްޔެ އޮތް ނޫސްވެރިންގެ ބައްދަލުވުމުގައި އޭނާ އަމިއްލަ އަށެވެ. ސްޕެލެއްޓީ ބުނީ އޭނާ ހުރީ ކަންކަން ރަނގަޅުކޮށް ކުރިއަށް ދިއުމަށް ބޭނުންވެފައި ކަމަށެވެ. އިޓަލީ ފެޑެރޭޝަނުން މިކަމުގައި ބުނި ހަމައެކަނި ބަހަކީ ބުނީ މޯލްޑޮވާ މެޗަކީ، ސްޕެލެއްޓީގެ ފަހު މެޗު ކަމަށެވެ.