ޕީޖީން ނިންމީ ވާނުވާގައި ތިބި 20 މީހަކު ދޫނުކުރަން
މިހާރު
12 ޖޫން 2025 | ބުރާސްފަތި | 12:31
ޝަރީއަތް ނިމެންދެން ބަންދުކޮށްފައިވާ މީހުންގެ ތެރެއިން މޮނިޓަރިން ޓެގް އެޅުވުމަށް ފަހު ބަންދުން ދޫކުރަން އެދުނު 20 މީހަކު ދޫނުކުރަން ނިންމާފައިވާ ކަމަށް ޕްރޮސިކިއުޓާ ޖެނެރަލް (ޕީޖީ) އޮފީހުން ބުނެފި އެވެ.
ޝަރީއަތް ނިމެންދެން ބަންދުކުރުން ނުވަތަ ވާނުވާ ބަންދުގައި ގިނަ ބަޔަކު ތިބެން ޖެހުމުގެ ޝަކުވާއަށް ހައްލު ހޯދުމުގެ ގޮތުން އިލެކްޓްރޯނިކް މޮނިޓަރިން ނިޒާމުގެ ތެރެއިން ޓެގް އެޅުވުމަށްފަހު ބަންދަށް ލުއި ދޭން ފެށީ މިދިޔަ މަހުގެ 28 ގަ އެވެ.
ޕީޖީގެ ތަރުޖަމާނު އަހުމަދު ޝަފީއު އިއްޔެ އެކްސްގައި ކުރެއްވި ޕޯސްޓެއްގައި ވަނީ އިލެކްޓްރޯނިކް މޮނިޓަރިން ނިޒާމުގެ ތެރެއިން ޓެގު އަޅުވައި، ދޫކޮށްލަން އެދިފައިވާ މީހުންގެ ތަފާސްހިސާބު ހިއްސާކޮށްފަ އެވެ.