ޑރ. މަޖީދުގެ މަރާ ގުޅުވައިގެން އިމްރާންގެ ބޮޑު ތުހުމަތެއް!
މިހާރު
14 ޖޫން 2025 | ހޮނިހިރު | 1:33
މީގެ ހަތް އަހަރު ކުރިން އަވަހާރަވި ރާއްޖޭގެ މަޝްހޫރު ދީނީ އިލްމުވެރިޔާ ޑރ. އަބްދުލް މަޖީދު އަބްދުލްބާރީގެ ކުއްލި މަރާ ގުޅުވައިގެން ކުރީގެ ހޯމް މިނިސްޓަރު ޝައިހު އިމްރާން އަބްދުﷲ މިއަދު ބޮޑު ތުހުމަތެއް ކުރައްވައިފި އެވެ.
އުމުރުން 55 އަހަރުގައި ޑރ. މަޖީދު އަވަހާރަވީ މެއި 22، 2018 ގައި ސްރީ ލަންކާގަ އެވެ.
އެ މަރަށް ހަތް އަހަރު ފަހުން މިއަދު ހެނދުނު އިމްރާން އެކްސްގައި ކުރެއްވި ޕޯސްޓެއްގައި ވިދާޅުވީ ޑރ. މަޖީދުގެ ކުއްލި މަރާ ގުޅިގެން ހިތުގައި އުފެދިފައިވާ ޝައްކުތައް ޔަގީންވާ ހިސާބަށް ގޮސްފައިވާ ކަމަށެވެ.