މަޔާމީ (ޖޫން 15) - މުޅިން އާ ފޯމެޓަށް 32 ޓީމާ އެކު މިއަދު ފީފާ ކްލަބް ވޯލްޑް ކަޕްގެ ފުރަތަމަ މެޗުގައި ލިއޮނެލް މެސީ ކުޅެމުން އަންނަ އެމެރިކާގެ އިންޓަ މަޔާމީ އާއި މިސްރުގެ ޗެމްޕިއަން އަލް އަހްލީއާ ވާދަކޮށް ލަނޑެއް ނުޖެހި 0-0 އިން އެއްވަރު ވެއްޖެ އެވެ.

މަޔާމީގެ ހާޑްރޮކް ސްޓޭޑިއަމްގައި ކުޅުނު މި މެޗުގެ ފުރަތަމަ ހާފުގައި އަހްލީގެ މިސްރު ފޯވާޑް ޓްރެޒެގޭ ފޮނުވާލި ޕެނަލްޓީއެއް، އިންޓަ މަޔާމީގެ ގޯލްކީޕަރު އޮސްކާ އުސްތާރީ ވަނީ މަތަކޮށްފަ އެވެ.

މެސީ މި މެޗުގައި ގިނަ ހަމަލާތަކެއް ފޮނުވާލި ނަމަވެސް ގޯލްކީޕަރު މުހައްމަދު އެލްޝަނާވީ ވަނީ ހުށިޔާރުކަމާއެކު ހަމަލާތައް މަތަކޮށްފަ އެވެ. އަދި ފަހު ވަގުތު މެސީ ފޮނުވާލި ހަމަލާއެއް ވަނީ ޑިފްލެކްޓް ވެގެން ގޯލުގެ ހުރަސް ދަނޑިއަށް ވެސް އަމާޒު ވެފަ އެވެ.

މައުޟޫޢުތަށް