އީރާނު-އިޒްރޭލުގެ ކުރިމަތިލުންތަކާ އެކު ތެލުގެ އަގު މައްޗަށް!
މިހާރު
15 ޖޫން 2025 | އާދިއްތަ | 8:22
އީރާނާއި އިޒްރޭލާ ދެމެދު މިހާރު ހިންގަމުންދާ ވަރުގަދަ ކުރިމަތިލުންތަކާ އެކު، ދުނިޔޭގެ ބާޒާރުގައި ތެލުގެ އަގު އިންތިހާ އަށް އުފުލިއްޖެ އެވެ.
މިދިޔަ ހުކުރު ދުވަހު އިޒްރޭލުން އިސްވެ އީރާނަށް ހަމަލާތައް ދޭން ފެށުމާ އެކު، ތެލުގެ އަގުގެ މިންގަނޑު ކަނޑައަޅައި، ބްރެންޓް ކްރޫޑް އޮއިލް ވަނީ 10 ޕަސެންޓުން މައްޗަށް ގޮސްފަ އެވެ. މިއީ މިދިޔަ ޖެނުއަރީ މަހުން ފެށިގެން ތެލުގެ އަގު މި ދަރަޖަ އަށް އުފުލުނު ފުރަތަމަ ފަހަރެވެ.
އަގުތައް މައްޗަށް ގޮސްފައި ވަނީ، އީރާނާއި އިޒްރޭލުގެ ކުރިމަތިލުންތަކާ ގުޅިގެން މެދުއިރުމަތީގެ ތެޔޮ ސަޕްލައި ކުރުމަށް ބުރޫ އަރާފާނެކަމުގެ ބިރާ އެކު އެވެ.