ދައުލަތަށް ދައްކަންޖެހޭ ޓެކްސް އާއި ކުއްޔާއި ފީތައް ހޯދުމުގައި، މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އަޅާ އެންފޯސްމަންޓު ފިޔަވަޅުތައް ހަރުދަނާކުރުމުގެ މަސައްކަތުގެ ތެރެއިން، ދައުލަތަށް ނުލިބިހުރި ފައިސާގެ ތެރެއިން 3.76 ބިލިއަން ރުފިޔާ މިދިޔަ އަހަރު ހޯދާފައިވާކަމަށް ބުނެފި އެވެ.

މީރާގެ 2024 ވަނަ އަހަރުގެ އަހަރީ ރިޕޯޓުގައި ބުނެފައިވާ ގޮތުގައި، ދައުލަތަށް އެ އޮތޯރިޓީ މެދުވެރިކޮށް ލިބެންޖެހޭ ފައިސާ ހޯދުމަށްޓަކައި، އަޅައި ފިޔަވަޅުތައް މިދިޔަ އަހަރުގެ ތެރޭގައި ވަނީ އިތުރަށް ހަރުދަނާކޮށްފަ އެވެ.

މިގޮތުން، ޓެކްސް ބަޔާން ހުށަހެޅުމަށް ތަފާތު 52،158 ފަރާތަކަށް ވަނީ އަންގައިފަ އެވެ. އޭގެތެރެއިން، ނޯޓިސް އާ އެއްގޮތަށް އަމަލުކޮށްފައިވަނީ އެންމެ 4،311 ފަރާތަކުން ކަމަށް އަހަރީ ރިޕޯޓުގައި ބުންޏެވެ.

މައުޟޫޢުތަށް