ރާއްޖޭގެ އާބާދީގެ ހަތް ޕަސެންޓަކީ ނުކުޅެދުންތެރިކަން ހުންނަ މީހުން
މިހާރު
16 ޖޫން 2025 | ހޯމަ | 9:30
ރާއްޖޭގެ އާބާދީގެ ހަތް ޕަސެންޓަކީ ނުކުޅެދުންތެރިކަން ހުންނަ މީހުން ކަމަށް، ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީން މިއަދު ބުނެފި އެވެ.
ސަރުކާރު ވެބްސައިޓުގައި އާއްމުކުރި ލިޔުމުގައި އެ މިނިސްޓްރީން ބުނީ މުޖުތަމައުގައި ނުކުޅެދުންތެރިކަން ހުންނަ ފަރާތްތަކަކީ ހާއްސަ ރައްކާތެރިކަމާއި އަޅާލުން ބޭނުންވާ ބައެއް ކަމަށެވެ. މި ކުޑަކުޑަ އާބާދީގެ ހަތް ޕަސެންޓަކީ ނުކުޅެދުންތެރިކަން ހުންނަ މީހުން ކަމަށް ބުންޏަސް، އެކަމުގެ އިތުރު ތަފްސީލެއް ހާމަކޮށްފައިނުވެ އެވެ.
އެންސްޕާއިން "މިހާރު"އަށް ހިއްސާކުރި މައުލޫމާތުތަކަށް ބަލާއިރު ނުކުޅެދުންތެރިކަން ހުންނަ މީހުންގެ ދަފްތަރުގައި މިިދިޔަ އޭޕްރީލް މަހާ ހަމައަށް 14،188 މީހުން ރަޖިސްޓްރީވެފައިވެ އެވެ. އެ މީހުންގެ ތެރަޕީއަށް ކޮންމެ އަހަރަކު ވެސް އެތައް މިލިއަން ރުފިޔާއެއް ހަރަދުކުރެ އެވެ.