ހުޅުމާލެ2 ގެ ވިނަރެސް ފްލެޓުގެ އެޕާޓްމަންޓެއްގައި މިއަދު ހެނދުނު ރޯވެ، އެތަނުގައި ދިރިނޫޅެވޭވަރަށް ގެއްލުން ލިބިފައިވާ ކަމަށް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން ބުނެފި އެވެ.

އެތަނުގައި ދިރިއުޅުނު ހަތަރު މީހަކަށް އެންޑީއެމްއޭ އިން މިހާރު ވަނީ އެހެން ތަނަކުން ވަގުތީ ބޯހިޔާވަހިކަން ހަމަޖައްސައިދީފަ އެވެ.

މިއަދު ހެނދުނު 7:41 ހާއިރު އަލިފާން ރޯވީ ވިނަރެސް ފްލެޓް ނުވައެއްގެ 13 ވަނަ ފަންގިފިލާގެ ހަ ވަނަ އެޕާޓްމަންޓުގަ އެވެ. އެ ހާދިސާ ރިޕޯޓްކުރުމާ އެކު ހުޅުމާލޭގެ ފަޔާ ސްޓޭޝަނުން ވަނީ އަލިފާންގަނޑު ނިއްވާލައިފަ އެވެ.

މައުޟޫޢުތަށް