އެފްއޭއެމްގެ އަސާސީ ގަވާއިދުން ވެސް ޒޯންތައް އުވާލައި މަތީ ދެ ޑިވިޝަނުގެ ކްލަބްތަކުގެ އަދަދު އިތުރުކޮށްފި
މިހާރު
24 ޖޫން 2025 | އަންގާރަ | 1:25
އެފްއޭއެމްގެ އަސާސީ ގަވާއިދުން ވެސް ޒޯންތަކުގެ މާއްދާ އުވާލައި މަތީ ދެ ޑިވިޝަނުގެ ކްލަބްތަކުގެ އަދަދު އިތުރު ކުރުމަށް ގަވާއިދުގެ ޑްރާފްޓްގައި ހިމަނައިފި އެވެ.
އަންނަ ހުކުރު ދުވަހުގެ ރޭ ބާއްވާ ކޮންގްރެސްގައި އެ އަސާސީ ގަވާއިދަށް ވޯޓަށް އަހާނެ އެވެ.
ޑްރާފްޓް އަސާސީ ގަވާއިދު ކްލަބްތަކަށް އެފްއޭއެމުން ވަނީ ފޮނުވައިފަ އެވެ. އެ ގަވާއިދަށް އަންނަ އެންމެ ބޮޑު ބަދަލަކީ އެންމެ މަތީ ޑިވިޝަނުގެ ކްލަބްތަކުގެ ގާނޫނީ އަދަދު އިތުރު ކުރުމާއި ޒޯންތަކުގެ މާއްދާ އުވާލުމެވެ.