އެމެރިކާގައި މިހާރު ކުރިއަށްދާ ކްލަބް ވޯލްޑް ކަޕް ނިމުމުން، ރެއާލް މެޑްރިޑްގެ ކެޕްޓަން ލުކަ މޮޑްރިޗް އޭސީ މިލާނަށް ސޮއި ކުރާނެ ކަމަށް އެ ކްލަބްގެ ސްޕޯޓިން ޑައިރެކްޓާ އިގްލީ ޓާރޭ ބުނެފި އެވެ.

އިޓަލީގެ ގެޒެޓާ ޑެލޯ އަށް ދިން އިންޓަވިއުގައި ޓާރޭ ބުނީ މޮޑްރިޗާ އެކު އަނގަ ބަހުން އެއްބަސްވުމަކަށް އާދެވިއްޖެ ކަމަށެވެ. އޭނާ އެކު އެއް އަހަރުގެ އެއްބަސްވުމެއްގައި މިލާނުން ސޮއި ކުރާނެކަމަށް އިޓަލީގެ މީޑިއާ ރިޕޯޓްތައް ބުނެ އެވެ. އަދި މިލާނުން ބޭނުންނަމަ އިތުރު އެއް އަހަރަށް އޭނާ ބެހެއްޓުމުގެ ފުރުސަތު ވެސް އެ އެއްބަސްވުމުގެ ދަށުން އެ ކްލަބަށް ލިބޭނެ އެވެ. އޭނާ އަށް މުސާރައިގެ ގޮތުގައި މިލާނުން ދޭނީ އަހަރަކަށް ހަތަރު މިލިއަން ޑޮލަރެވެ.

ކްރޮއޭޝިއާގެ ކެޕްޓަން މިލާނަށް ބަދަލު ވާނީ ހިލޭ ޓްރާންސްފާއެއްގަ އެވެ. ރެއާލްއާ އެކު އޭނާ ހަދާފައިވާ ކޮންޓްރެކްޓް މި މަހުގެ ނިޔަލަށް ހަމަވާނެ އެވެ.

މައުޟޫޢުތަށް