ރޮނާލްޑޯގެ އައް ނަސްރުގެ ކޯޗު ޕިއޯލީ ޓީމު ދޫކޮށްލައިފި
މިހާރު
26 ޖޫން 2025 | ބުރާސްފަތި | 9:47
ރިޔާދު (ޖޫން 25) - ޕޯޗުގަލްގެ ފޯވާޑް ކްރިސްޓިއާނޯ ރޮނާލްޑޯ ކުޅެމުން އަންނަ ސައުދީ އަރަބިއްޔާގެ އައް ނަސްރުގެ ކޯޗުގެ މަގާމް ސްޓެފާނޯ ޕިއޯލީ، 59، ދޫކޮށްލައިފި އެވެ.
އޭސީ މިލާނަށް އިޓާލިއަން ލީގު ކާމިޔާބު ކޮށްދިން އިޓަލީގެ ކޯޗު އައް ނަސްރާ ހަވާލުވީ މިދިޔަ ސެޕްޓެމްބަރު މަހު އެވެ. އޭނާގެ އިރުޝާދުގެ ދަށުން އައް ނަސްރު މިދިޔަ ސީޒަން ނިންމާލީ ލީގުގެ ތިން ވަނައިގަ އެވެ.
ޕިއޯލީ މަގާމުން ވަކިވުމާ ގުޅިގެން އިތުރު ތަފްސީލެއް ކުލަބުން ހާމައެއް ނުކުރެ އެވެ. އައް ނަސްރު ދޫކޮށްލުމަށް ފަހު އޭނާ އިޓަލީގެ ފިއޮރެންޓީނާގެ ކޯޗުކަމާ ހަވާލުވާން އުޅޭ ކަމަށް މީޑިއާތަކުން ވަނީ ރިޕޯޓް ކޮށްފަ އެވެ.