ސާވާއަށް ގެއްލުންދިން ކަމަށް ނިންމައި ބްރޯޑްކޮމްގެ އައިޓީ އޮފިސަރު މަގާމުން ވަކިކޮށްފި
މިހާރު
26 ޖޫން 2025 | ބުރާސްފަތި | 12:41
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ ސާވާތަކަށް ގެއްލުންދިން މައްސަލައެއްގައި ސަސްޕެންޑްކުރި އެ ތަނުގެ އައިޓީ އޮފިސަރު އަހުމަދު ފަޒީލް، މަގާމުން ވަކިކޮށްފި އެވެ.
މިދިޔަ މެއި މަހުގެ 22 އިން ފެށިގެން ހަތް ދުވަހުގެ މުއްދަތަކަށް ފަޒީލް ސަސްޕެންޑްކުރިއިރު އޭނާ "މިހާރު" އަށް އޭރު ބުނީ، ސަސްޕެންޑްކުރި ސަބަބު ނޭނގޭ ކަމަށެވެ.
އެކަމަކު އޭނާ ސަސްޕެންޑްކުރުމުގެ އެއް ދުވަސް ކުރިން ބްރޮޑްކޮމްގެ ސާވާއަށް މައްސަލައެއް ދިމާވުމުން ފުލުހުންގެ ޓެކްނީޝަނުން އެ ކޮމިޝަނަށް އެހީތެރިކަން ފޯރުކޮށްދޭން ޖެހުނެވެ.