ދުނިޔޭގެ އެންމެ މަގުބޫލު ފެޝަން އެންޑް ލައިފްސްޓައިލް މަޖައްލާ، ވޯގް މެގަޒިންގެ ޗީފް އެޑިޓަރު އެނާ ވިންޓުއާ 37 އަހަރު ފަހުން އެ މަގާމުން އިސްތިއުފާދޭން ނިންމައިފި އެވެ.

މުނިފޫހިފިލުވުމުގެ ޚަބަރުތައް ގެނެސްދޭ ވެރައިޓީން ރިޕޯޓްކުރި ގޮތުގައި، އެނާ އެ މަގާމުން އިސްތިއުފާ ދޭން ނިންމައި އެ މެގަޒިންގެ ސްޓާފުންނަށް އީމެއިލްއަކުން މިހާރު ވަނީ އެކަން އަންގައިފަ އެވެ. އަދި އެ މަގާމަށް އެހެން މީހަކު ހޯދުމުގެ މަސައްކަތް ވަނީ ފަށައިފަ އެވެ.

އެނާ ޗީފް އެޑިޓަރުކަމުން އިސްތިއުފާ ދިން ނަމަވެސް، އެ މެގަޒިން ނެރޭ ކުންފުނި ކޮންޑޭ ނާސްޓުގެ ޗީފް ކޮންޓެންޓް އޮފިސަރުގެ މަގާމާއި ވޯގްގެ ގްލޯބަލް އެޑިޓޯރިއަލް ޑައިރެކްޓަރުގެ މަގާމުގައި އޭނާ ދެމިހުންނާނެ ކަމަށް ވެރައިޓީން ބުންޏެވެ.

މައުޟޫޢުތަށް