ރާއްޖެ އިން ބާރުއަޅަނީ މަޖިލީހުގައި މިންތީގެ ހަމަހަމަކަން ގާއިމުކުރަން: ރައީސް
މިހާރު
30 ޖޫން 2025 | ހޯމަ | 10:15
ރައްޔިތުންގެ މަޖިލީހުގައި އަންހެނުން ތަމްސީލުކުރާ އަދަދު ދަށްވުމަކީ ދުނިޔޭގެ ފެންވަރުގައި ކުރިމަތިވެފައިވާ ގޮންޖެހުމަކަށް ވިޔަަސް ރާއްޖެއިން ބާރު އަޅާނީ އެ ދާއިރާގައި ވެސް މިންތީގެ ހަމަހަމަކަން ގާއިމުކުރުމަށް ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ދުނިޔޭގެ ފެންވަރުގައި މިއަދު ފާހަގަކުރަމުން އަންނަ، ޕާލަމެންޓޭރިޒަމް ދުވަހާ ގުޅިގެން ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ ޑިމޮކްރަސީ ދަމަހައްޓައި ރަނގަޅު ވެރިކަމެއް ކުރުމުގައި ގާނޫނު ހަދާ މަޖިލީހުގެ ދައުރު ބޮޑު ކަމަށެވެ.
އެ މަނިކުފާނު ވިދާޅުވީ ދުނިޔެ އާއި ގައުމީ ފެންވަރުގައި ވެސް އަންހެނުން ތަމްސީލުކުރާ އަދަދު ދަށްވުމަކީ ބޮޑު މައްސަލައެއް ކަމަށެެވެ. އެކަމާ ގުޅިގެން ރާއްޖެ އިން ދެމިއޮންނާނީ މިންތީގެ ހަމަހަމަކަން ގާއިމުކުރުމާ އެކު، އެންމެންނަށް ވެސް މަޖިލީހުގައި ބައިވެރިވެވޭނެ މާހައުލެއް ހޯދައިދިނުމުގައި ކަމަށް ރައީސް މުއިއްޒު ވިދާޅުވި އެވެ.