އަނިޔާކޮށްފައި އޮއްވައި ނޫނީ މަރާލާފައި އޮއްވައި ވެސް ބުޅަލެއް ތަނަކުން ނުފެނެ އެވެ. އެކަމަކު އާދަޔާޚިލާފަށް މާލެ އިން ބުޅާ މަދުވެއްޖެ އެވެ. މިދިޔަ މާޗު މަހުގެ ފަހުކޮޅުން ފެށިގެން ހަމަ ކުއްލިއަކަށް ބުޅާތައް ގެއްލެން ފެށީ އެއްވެސް ނިޝާނެއް ނެތި ކަމަށް އެކި ސަރަހައްދުތަކުގައި ބުޅަލަށް ކާންދޭ މީހުން ބުނެ އެވެ. އެންމެ ގިނައިން ބުޅާތައް އުޅޭ ސަރަހައްދުތަކުން ބުޅާ މަދުވެ އެކަން ފެންމަތިވުންވުމުން ބައެއް މީހުންނަށް އެކަންވީ ބޮޑު އުފަލަކަށެވެ.

ވީނުވީއެއް ނޭނގި މިހާ ގިނަ އަދަދަކަށް ބުޅާ މަދުވުމަކީ ކަންބޮޑުވާ މައްސަލައަަކަށް ވިޔަސް މިކަމުގެ ސީރިއަސްކަން ދެނެގަތުމުގެ ބަދަލުގައި މީހުން އުފާ ފާޅުކުރީ މަގުތަކުގައި ބުޅާ ގިނަވެ އާއްމުންނަށް އުނދަގޫތަކެއް ކުރިމަތިވަމުންދާތީ އެވެ.

މާލެއިން ބުޅާ ގެއްލެން ފެށި ޚަބަރު "މިހާރު" ގައި ޖެހުމުން ޚަބަރަށް ކޮމެންޓްކުރި މީހުންގެ މެދުގައި ވެސް ފެނުނީ ބުޅަލާ މެދު އޮތް ރުޅިވެރިކަމެކެވެ. ބަންޑުންކޮށްލީ ބުޅަލުގެ ނަޖިހުގެ ވަހުން ކޮންމެ ދުވަހަކު ވާ ބޮޑު އުނދަގުލާ އެކު ކުރިމަތިވާ ރުޅިވެރިކަމުގެ ވާހަކަތަކާއި ހިތްހަމަނުޖެހުމެވެ.

މައުޟޫޢުތަށް