ރ. އަތޮޅުގައި އާރުޓީއެލް ފެރީގެ ހިދުމަތް ދޭ އަގުތައް އާންމުކޮށްފި
މިހާރު
1 ޖުލައި 2025 | އަންގާރަ | 4:53
މިދިޔަ ހަފުތާގައި އާރުޓީއެލް ސްޕީޑް ފެރީގެ ހިދުމަތް ފެށި ރ. އަތޮޅުގައި އެ ހިދުމަތް ދޭ އަގުތައް މިއަދު އާންމުކޮށްފި އެވެ.
އެމްޓީސީސީން މިއަދު ކުރި އިއުލާނެއްގައި ބުނީ އާރުޓީއެލް މަޝްރޫއުގެ ޒޯން ދޭއްގައި ހިމެނޭ ރ. އަތޮޅުގެ ރޫޓުތަކުން އަންނަ ބުރާސްފަތި ދުވަހުން ފެށިގެން އަގު ނަގާ ގޮތަށް ހަމަޖެހިފައިވާ ކަމަށެވެ.
އަގު ނަގަން ހަމަޖެހިފައި ވަނީ ޓްރާންސްޕޯޓް މިނިސްޓްރީން ކަނޑައަޅާފައިވާ ރޭޓުތަކާ އެއްގޮތަށް ކަމަށް ވެސް އެމްޓީސީސީން ބުންޏެވެ.