އެމެރިކާގެ ރައީސް ޑޮނަލްޑް ޓްރަމްޕްގެ އިމިގްރޭޝަން ސިޔާސަތު "ހަރުކަށި ކަމަށް" ބުނެ އެކަން ބަދަލުކޮށްދޭން ފީފާގެ އެހީ އަށް އިންސާނީ ހައްގުތަކާ ބެހޭ ޖަމާއަތްތަކުން އެދިއްޖެ އެވެ.

ފީފާގެ ރައީސް ޖިއާނީ އިންފަންޓީނޯ އަށް އެޑްރެސްކޮށް އެމެރިކާގެ ހައްގުތަކުގެ ޖަމާއަތްތަކުން ސޮއިކޮށް، ފޮނުވި ޕެޓިޝަންގައި ބުނީ، އަންނަ އަހަރުގެ ވޯލްޑް ކަޕަށް އެކި ގައުމުތަކުގެ ސަޕޯޓަރުން ދަތުރުކުރަން ޓްރަމްޕްގެ އިމިގްރޭޝަން ސިޔާސަތުގެ ސަބަބުން ހުރަސްތައް ކުރިމަތިވާނެ ކަމަށެވެ.

އެމެރިކާ އަށް ދަތުރު ކުރާ އެހެން ގައުމުތެކުގެ މީހުން ސިއްރިޔާތުގައި އެ ގައުމުގައި ވަޒަންވެރިވާކަމަށް ބުނެ ޓްރަމްޕްގެ ސަރުކާރުން ވަނީ އިމިގްރޭޝަން ސިޔާސަތުގެ ދަށުން ބައެއް ގައުމުތަކުގެ މީހުން އެ ގައުމަށް އެތެރެވުން ވެސް މަނާކޮށްފަ އެވެ. އެމެރިކާއިން ކުރިން ރަށްވެހިކަން ދީފައިވާ ބައެއް މީހުންގެ ރަށްވެހިކަން ވެސް ޓްރަމްޕްގެ ސަރުކާރުން ބާތިލު ކުރި އެވެ.

މައުޟޫޢުތަށް