އައިޖީއެމްއެޗާ ގުޅުވާލައި، ދެ ސަރަހައްދެއްގައި ޓެލެ މެޑިސިން ފަށަން ތައްޔާރުވެއްޖެ
މިހާރު
2 ޖުލައި 2025 | ބުދަ | 4:08
އައިޖީއެމްއެޗާ ހޮސްޕިޓަލްތައް ގުޅުވާލައި، ދެ ސަރަހައްދެއްގައި ޓެލެ މެޑިސިން ފަށަން ތައްޔާރުވެއްޖެ އެވެ.
މި ހިދުމަތް ފެށުމުން، ފަރުވާއަށް މާލެ އަންނަން ނުޖެހި، އަތޮޅު ހޮސްޕިޓަލުގައި ތިބެ އައިޖީއެމްއެޗުގެ ޑޮކްޓަރުންނަށް ދައްކައި އަވަހަށް އަދި ފަސޭހަ އިން ފަރުވާ ހޯދޭނެ އެވެ.
ރައްޔިތުން މަޖިލީހުގެ އިޖުތިމާއީ ކޮމެޓީގައި މިއަދު ބޭއްވި ބައްދަލުވުމުގައި ބައެއް މެމްބަރުން ވަނީ، ފަރުވާއަށް ރަށްރަށުން މާލެ އައިސް ފަސޭހައިން ޑޮކްޓަރަށް ނުދެއްކޭތީ ކަންބޮޑުވުން ފާޅުކޮށްފަ އެވެ.