އައިޖީއެމްއެޗުގައި އާ ހިދުމަތްތަކެއް މި އަހަރު ފަށަނީ
މިހާރު
2 ޖުލައި 2025 | ބުދަ | 9:38
އައިޖީއެމްއެޗުގައި މުހިއްމު، އާ ހިދުމަތްތަކެއް މި އަހަރު ފަށާނެ ކަމަށް އެ ހޮސްޕިޓަލުން މިއަދު ބުނެފި އެވެ.
ރައްޔިތުންގެ މަޖިލީހުގެ އިޖުތިމާއީ ކޮމިޓީގައި ޑެޕިއުޓީ ސީއީއޯ ޑރ. ޝާހު މާހިރު ވިދާޅުވީ ސަރުކާރުގެ މައި ހޮސްޕިޓަލުގެ ޖާގަ އިތުރުކޮށް، ކުޑަކުދިންނަށް ހާއްސަ އިމަޖެންސީ ރޫމެއް ހަދަމުން އަންނަ ކަމަށެވެ. އޭގެ އިތުރުން ޕްރައިވެޓް 15 ރޫމް ހިމެނޭ ގޮތަށް 75 އެނދު ވެސް އިތުރުކޮށް، ބޭނުންކުރަމުން އަންނަ ކަމަށް ޝާހު ވިދާޅުވި އެވެ.
އޭނާ ވިދާޅުވި ގޮތުގައި އެނދު އިތުރުކުރުމާ އެކު، ހިދުމަތުގެ ފެންވަރު ރަނގަޅު ކުރަން ވޯޑުތައް މަރާމާތުކުރުމާއި އެ ތަނުގެ ފިނިހޫނުމިން ރަނގަޅުކޮށް ބަލި މީހުން ބޭނުންކުރާ އެނދުތައް ރަނގަޅުވާނެ ކަމަށެވެ.