ޝަރީއަތް ނިމެންދެން ބަންދުކޮށްފައި ހުރި މަންޑޭ ކޯޓުން ދޫކޮށްލައިފި
މިހާރު
3 ޖުލައި 2025 | ބުރާސްފަތި | 1:39
ޕީޖީ އޮފީހުން ބުނީ ހެކިންނަށް ނުފޫޒު ފޯރުވާ ހާލަތެއް ނުވަތަ ފިލާފާނެ ހާލަތެއް މެދުވެރިވެއްޖެ ނަމަ މަންޑޭ ހައްޔަރުކުރަން އެދޭނެ ކަމަށް.
ކޭ ޕާކު ރެސިޑެންސްގެ ފްލެޓްތައް ވިއްކުމުގެ ނަމުގައި ގިނަ ބައެއްގެ އަތުން ފައިސާ އަތުލި ކަމަށް ތުހުމަތުވާ ހަސަން މަމްދޫހު (މަންޑޭ) ޝަރީއަތް ނިމެންދެން ބަންދުކޮށްފައި ހުރި ނަމަވެސް ކޯޓުން އޭނާ ދޫކޮށްލައިފި އެވެ.
ކޭޕާކް ހަދަމުން އަންނަ ހަންބޯ ކުންފުނީގެ ހިއްސާދާރެއް ކަމަށްވާ މަންޑޭ ފްލެޓް ވިއްކާނެ ކަމަށް ބުނެ ގިނަ ބައެއްގެ އަތުން ފައިސާ ނެގި މައްސަލާގައި އޭނާގެ މައްޗަށް 100 އަށް ވުރެ ގިނަ ދައުވާ ދައުލަތުން ކުރެ އެވެ. އެކަމަކު މިދިޔަ އަހަރުގެ ޖުލައި މަހު ފެށި އެ ދައުވާތަކާ ގުޅޭ ގިނަ އަޑުއެހުންތައް ކުރިއަަކަށް ނުގެންދެވެ އެވެ.