ފިލަޑެލްފިއާ (ޖުލައި 5) - ފީފާ ކްލަބް ވޯލްޑް ކަޕްގައި ބްރެޒިލްގެ ޕަލްމެއިރާސް 2-1 އިން ބަލިކޮށް ޗެލްސީ މުބާރާތުގެ ސެމީ ފައިނަލަށް ދަތުރުކުރި މެޗުގައި، އަންނަ ސީޒަންގައި ޗެލްސީ އަށް ކުޅޭ ޒުވާން ފޯވާޑް ވިދާލައިފި އެވެ.

މިއަދު ހެނދުނު ކުޅުނު މެޗުގެ 16 ވަނަ މިނިޓުގައި ޗެލްސީ ލީޑު ނެގީ ކޯލް ޕާމާ ޖަހައިދިން ގޯލުންނެވެ. ނަމަވެސް ދެވަނަ ހާފުގައި ޕަލްމެއިރާސް އަށް ނަތީޖާ އެއްވަރު ކޮށްދިނީ، އަންނަ ސީޒަންގައި ޗެލްސީއާ ގުޅެން ނިންމާފައިވާ ބްރެޒިލްގެ 18 އަހަރުގެ ފޯވާޑް އެސްޓެވާއޯ ވިލިއަން ހަނި އޭންގަލަކުން ފޮނުވާލި ބާރު ހަމަލާއިންނެވެ.

ޗެލްސީ މޮޅުވީ، މެޗު ނިމެނިކޮށް މާލޯ ގުސްތޯ ފޮނުވާލި ހަމަލާ ކީޕަރު ގައިގައި ޖެހިފައި ބައިކޮޅަށް ވަން ގޯލުންނެވެ.

މައުޟޫޢުތަށް