ތިމާވެއްޓާ ރައްޓެހި ދެމެހެއްޓެނިވި ދަނޑުވެރިކަން، ދަނޑުވެރިންނަށް ތައާރަފް ކުރުމުގެ ގޮތުން އުތުރުގެ 12 ރަށެއްގައި ގްރީންހައުސްތައް ހަދައިފި އެވެ.

އެގްރިބިޒްނަސް މެޗިން ގްރާންޓް ޕްރޮގްރާމްގެ ނަމުގައި ކުރިއަށް ގެންދާ އެ ސްކީމް އަމާޒުކޮށްފައި ވަނީ މޯލްޑިވްސް އެގްރިބިޒްނަސް ޕްރޮގްރާމް (މެޕް)ގެ ހަރަކާތްތައް ކުރިއަށް ގެންދާ ހއ. ހދ. އަދި ށ. އަތޮޅުގެ 26 ރަށުގެ ދަނޑުވެރިންނާއި ދަނޑުވެރިކަމުގައި ހަރަކާތްތެރިވާ ކުދި އަދި މެދު ފަންތީގެ ވިޔަފާރިތަކަށެވެ.

އެގްރިކަލްޗާ މިނިސްޓްރީން ބުނީ 12 ރަށުގެ ތެރެއިން މިހާތަނަށް 11 ރަށެއްގެ ގްރީން ހައުސްތަކުގައި ކިއުކަމްބާ، މެލަން، މިރުސް އަދި ކެޕްސިކަމް ފަދަ ތަކެތި ހެއްދުމުގެ ތަމްރީނުތައް ކުރިއަށް ގެންގޮސްފައިވާ ކަމަށެވެ. އެ ރަށްތަކުގައި ވަނީ ގްރީން ހައުސްގައި ދަނޑުވެރިކަން ފަށައިފަ އެވެ.

މައުޟޫޢުތަށް