ސީދާ ހާޓް އެޓޭކް ޖެހިގެން މަރުވާ މީހުންގެ އަދަދު އެމެރިކާގައި 90 ޕަސެންޓު ދަށަށް ގޮސްފައިވާ ކަމަށާއި އެކަމަކު ހިތުގެ އެހެން މައްސަލަތައް އިތުރު ކަމަށް ދިރާސާއަކުން ދައްކައިފި އެވެ.

ދިރާސާގައި އިސްކޮށް އުޅުއްވި ކެލިފޯނިއާގެ ސްޓެންފޯޑް ޔުނިވާސިޓީގެ އިންޓާނަލް މެޑިސިންގެ ތަޖުރިބާކާރެއް ކަމަށްވާ ޑރ. ސާރާ ކިންގު ވިދާޅުވެފައިވަނީ ފާއިތުވި 50 އަހަރުގެ ތެރޭގައި، އެމެރިކާގައި 25 އަހަރުން މަތީގެ މީހުން ހިތުގެ ބަލީގައި މަރުވި ޖުމްލަ ނިސްބަތް 66 ޕަސެންޓަށް ދަށްވި ކަމަށެވެ.

މީގެ އިތުރުން ހާޓް އެޓޭކް ޖެހިގެން މަރުވާ މީހުންގެ އަދަދު ގާތްގަނޑަކަށް 90 ޕަސެންޓް ދަށްވެފައިވާ ކަމަށް އެ ދިރާސާގައި ބުންޏެވެ.

މައުޟޫޢުތަށް