ކުދިންނަށް ބުލީކުރަން ހިންގާ 2 ޕޭޖެއް ފުލުހުންގެ ބެލުމުގެ ދަށަށް ގެންގޮސްފި
މިހާރު
6 ޖުލައި 2025 | އާދިއްތަ | 6:32
ސްކޫލު ކުދިންގެ މެދުގައި ހިންގާ ކޮންފެޝަން ޕޭޖުތަކެއްގައި ކުދިންނަށް ބުލީކުރާ މައްސަލަ ބޮޑުވެފައި ވަނިކޮށް އެފަދަ 2 ޕޭޖު ފުލުހުންގެ ބެލުމުގެ ދަށަށް ގެންގޮސްފި އެވެ.
ކޮންފެޝަން ޕޭޖުތައް ހުއްޓުވަން ފުލުހުން ނުކުތްއިރު މިފަދަ ޕޭޖުތަކުގައި ދަނީ ކުދިންނާއި ޓީޗަރުންނަށް ނިސްބަތްކޮށް ވަރަށް ހަޑި ހުތުރު ބަހުން ޕޯސްޓުތައް ޖަހަމުންނެެވެ.
ފުލުހުން ބުނީ ސްކޫލު ކުދިންގެ މެދުގައި ސޯޝަލް މީޑިއާގެ އެކި ޕްލެޓްފޯމްތަކުގައި ސައިބާ ބުލީގެ އަމަލުތައް އިތުރުވަމުންދާތީ އެކަން ހުއްޓުވުމަށް ފުލުހުންގެ ސައިބާ ކްރައިމް ސެންޓަރުގެ ފަރާތުން ހާއްސަ ފިޔަވަޅުތަކެއް އަޅަން ފަށާފައިވާ ކަމަށެވެ.