ފައިނު އެކްސިޑެންޓުގައި އަނިޔާވި ޓީޗަރާއި ދެ ކުދިން އައިސީޔޫ އިން ވޯޑަށް
މިހާރު
8 ޖުލައި 2025 | އަންގާރަ | 10:32
މިދިޔަ މަހުގެ 26 ގައި ރ. ފައިނުގައި ހިނގި އެކްސިޑެންޓެއްގައި އަނިޔާވެ، މާލެ ގެނައި ޓީޗަރާއި 18 އަހަރުން ދަށުގެ ދެ ކުދިންނަށް އައިސީޔޫގައި ފަރުވާ ދިނުމަށް ފަހު ވޯޑަށް ބަދަލުކޮށްފައިވާ ކަމަށް އައިޖީއެމްއެޗުން މިއަދު ބުނެފި އެވެ.
ފައިނުގައި އެކްސިޑެންޓް ހިނގީ ސްކޫލްގެ ޕްރިންސިޕަލާއި އިސްލާމް ޓީޗަރަކު ކަސްރަތަަށް ނުކުމެ އުޅެނިކޮށް، 16 އަހަރުގެ ކުއްޖަކު ދުއްވި ސައިކަލަކުން އެ މީހުންގެ ގައިގައި ޖެހިގެންނެވެ. އެ ސައިކަލުގެ ފަހަތުގައި އިނީ އެ ރަށު ސްކޫލުގެ ގްރޭޑު 9 ގައި ކިޔަވަމުން އަންނަ ކުއްޖެކެވެ.
އެ އެކްސިޑެންޓުގައި އެ އެންމެނަށް ވެސް އަނިޔާވި އެވެ. އުނގޫފާރު ރީޖަނަލް ހޮސްޕިޓަލުގައި ފަރުވާ ދިނުމަށް ފަހު ޕްރިންސިޕަލް ދޫކޮށްލިޔަސް އަނެއް ތިން މީހުން ގެނައީ މާލެއަށެވެ.