މާފަރު އެއާޕޯޓް އިންޓަނޭޝަނަލް ފެންވަރުގައި ހުޅުވައިފި
މިހާރު
8 ޖުލައި 2025 | އަންގާރަ | 5:01
މާފަރު އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއު ނިންމައި، އިންޓަނޭޝަނަލް ފެންވަރުގައި މިއަދު އެ އެއާޕޯޓް ހުޅުވައިފި އެވެ.
އެ މަޝްރޫއުގެ ނިމުން ފާހަގަކުރުމަށް މާފަރު އެއާޕޯޓުގައި މިއަދު ހެނދުނު ބޭއްވި ރަސްމިއްޔާތު ޝަރަފުވެރިކޮށްދެއްވީ އިކޮނޮމިކް މިނިސްޓަރު މުހައްމަދު ސައީދެވެ. އެ ރަސްމިއްޔާތުގައި އިތުރު ބައެއް މިނިސްޓަރުންނާއި ސަރުކާރުގެ އިސްވެރިންނާއި ޔުނައިޓެޑް އަރަބް އެމިރޭޓްސް (ޔޫއޭއީ) ގެ ފަރާތުން ރާއްޖެއަށް ކަނއަޅާފައި ހުންނަވާ ސަފީރު ޝައިހް ރަހްމާ އަބްދުއްރަހްމާން އަލް ޝަމްސީ އާއި އަބޫދާބީ ފަންޑް ފޯ ޑިވެލޮޕްމަންޓް (އޭޑީއެފްޑީ)ގެ އިސް ބޭފުޅުން ވެސް ބައިވެރިވެވަޑައިގަތެވެ.
މާފަރު އެއާޕޯޓު އިންޓަނޭޝަނަލް ފެންވަރަށް ހުޅުވުމުގެ ގޮތުން މޯލްޑިވިއަންގެ ފުރަތަމަ ވައިޑް-ބޮޑީ މަތިންދާބޯޓު އޭ330-200 އިން ވަނީ މިއަދު އެ އެއާޕޯޓަށް ހާއްސަ ދަތުރެއް ކޮށްފަ އެވެ.