ލަންޑަން (ޖުލައި 9) - ޗެލްސީ އާއި އާސެނަލްގެ ކުރީގެ ގޯލްކީޕަރު ޕީޓާ ޗެކުގެ އަންހެން ދަރިފުޅަށް ފަހު، ފިރިހެން ދަރިފުޅު ވެސް ފުލަމް އާއެކު ޕްރޮފެޝަނަލް ކޮންޓްރެކްޓެއްގައި ސޮއި ކޮށްފި އެވެ.

ބައްޕައެކޭ އެއްގޮތަށް އުމުރުން 16 އަހަރުގެ ޑެމިއަން ޗެކަކީ ވެސް ގޯލްކީޕަރެކެވެ. އޭނާ ވަނީ މިދިޔަ އަހަރު، އުމުރުން 15 އަހަރުގައި ޗެކް ރިޕަބްލިކްގެ 18 އަހަރުން ދަށުގެ ގައުމީ ޓީމަށް ކުޅެފަ އެވެ.

އޭނާގެ އެއްބަނޑު އެއްބަފާ ދައްތަ، އުމުރުން 17 އަހަރުގެ އަޑެލާ ޗެކޯވާއަކީ ފުލަމްގެ ޑިފެންޑަރެކެވެ. މިއަހަރުގެ ކުރީކޮޅު އޭނާ ވަނީ ފުރަތަމަ ފަހަރަށް ޗެކް ރިޕަބްލިކް (މިހާރުގެ ނަމުން ޗެކިއާ) ގެ 17 އަހަރުން ދަށުގެ އަންހެން ގައުމީ ޓީމަށް ކުޅެފަ އެވެ.

މައުޟޫޢުތަށް