ގެދޮރުވެރިޔާ މަޝްރޫއުން ފްލެޓް ލިބޭނެ ކަމަށް ކަނޑައެޅި 4،000 މީހުންގެ ތެރެއިން ބައެއް މީހުން މާލޭގައި 15 އަހަރު ނުވާތީ ޝަރުތު ހަމަނުވާ ކަމަށް އަންގައި ހައުސިން މިނިސްޓްރީން ފޮނުވާ ސިޓީގައި ސައްހަ ނޫން މައުލޫމާތު ހިމެނޭ ކަމަށް، ފަހި ޔޫނިއަން އިން މިއަދު ބުނެފި އެވެ.

ކުރީގެ ސަރުކާރުން ހުޅުވާލި ސްކީމުން ފްލެޓް ލިބުނު މީހުންގެ ހައްގުގައި ވަކާލާތުކުރަމުން އަންނަ ފަހި ޔޫނިއަނުގެ ފަރާތުން ގާނޫނީ ވަކީލު އަލީ ހުސެއިން ވިދާޅުވީ މާލޭގައި 15 އަހަރު ދިރިނޫޅޭތީ ފްލެޓް ނުލިބޭނެ ކަމަށް ބައެއް މީހުންނަށް ސިޓީ ފޮނުވާފައިވާ ކަމަށެވެ. އެކަމަކު އެ ސިޓީތައް ފޮނުވާފައި މިނިސްޓްރީން މައުލޫމާތުތައް ކަށަވަރު ނުކޮށް ކަމަށް އޭނާ ވިދާޅުވި އެވެ.

އަލީ ހުސެއިން ވިދާޅުވި ގޮތުގައި ފްލެޓް ލިބޭނެ ކަން އަންގާފައިވާ މާލޭ ސްކޫލެއްގެ ޓީޗަރަކު ތ. އަތޮޅުގެ ސްކޫލެއްގައި 2012 ވަަނަ އަހަރުން ފެށިގެން 2017 އާ ހަމައަށް މަސައްކަތްކުރި ކަމަށް މިނިސްޓްރީން ވަނީ ސިޓީ ފޮނުވައިފަ އެވެ. އެހެންވެ މާލޭގައި ދިރިއުޅުނު މުއްދަތުގެ ބައިން ޝަރުތު ހަމަނުވާ ކަމަށާއި އެ ސްކޫލުން އެ ޓީޗަރަށް ޕެންޝަން ޖަމާކޮށްފައިވާ ކަމަށް ވެސް ސިޓީގައި ލިއެފައިވާ ކަމަށް ފަހި ޔޫނިއަން އިން ބުންޏެވެ.

މައުޟޫޢުތަށް