ޖިނާއީ މައްސަލަތަކުގައި އެހީތެރިކަން ދިނުމުގައި އެއްބަސްވުމެއްގައި ރާއްޖެއާއެކު ސޮއިކުރަން ލަންކާއިން ނިންމައިފި
މިހާރު
10 ޖުލައި 2025 | ބުރާސްފަތި | 10:22
ޖިނާއީ މައްސަލަތަކުގައި އެއްބާރުލުން ދިނުމުގެ އެއްބަސްވުމެއްގައި ރާއްޖެ އާއި ސްރީލަންކާއާ ދެމެދު ސޮއިކުރަން އެ ގައުމުގެ ކެބިނެޓުން އަނެއްކާވެސް ރުހުން ދީފި އެވެ.
ލަންކާގެ ނޫސްތަކުގައި ބުނީ ކެބިނެޓަށް ޖަސްޓިސް މިނިސްޓަރު ހުށަހެޅުއްވި އެ ހުށަހެޅުން މި ހަފުތާގައި ކެބިނެޓުން ފާސްކޮށްފައިވާ ކަމަށެވެ. އެ އެއްބަސްވުމުގައި ސޮއިކުރަން އެންމެ ފުރަތަމަ ރުހުން ދިނީ ސެޕްޓެމްބަރު، 2022 ގައި ނަމަވެސް އިޖުރާއީ ކަންކަމާ ހެދި އެއްބަސްވުމުގައި އޭރު ސޮއި ނުކުރެ އެވެ.
އެކަމަކު މިހާރު އެ އެއްބަސްވުމުގައި ސޮއިކުރަން ދިވެހި ސަރުކާރުގެ ފުރިހަމަ ރުހުން އޮތްކަން ސަރުކާރުން އަންގާފައިވާ ކަމަށް ލަންކާގެ ނޫސްތަކުގައިވެ އެވެ.